క్రిస్మస్ నవదిన ప్రార్ధనలు
మొదటి దినము: 16 డిశంబర్ 2011
దేవుని ప్రేమ ఆయన మనుష్యావతారమునందు బయలుపరచడమైనది.
ధ్యానాంశం: ఆదాము తన అవిధేయతవలన ఏదేనుతోటనుండి గెంటివేయబడ్డాడు. దేవుని అనుగ్రహమును కోల్పోయి ఉన్నాడు. మరియు, అతనిపై అతని సంతతిపై శాశ్వత మరనమను శిక్షను తీసుకొనివచ్చాడు. కాని, దైవ కుమారుడు, ఇలా జీవితమును కోల్పోయిన మానవున్ని రక్షింపకోరాడు. దీనినిమిత్తమై, మానవస్వభావమునుదాల్చి, శిలువపై దోషిగా నిందింపబడి, మరణవేదనను పొందియున్నాడు. మన రక్షణనిమిత్తమై అన్నింటిని సంతోషముగా భరించియున్నాడు. ఆయన ప్రభువు అయినప్పటికిని, పాపమువలన మానవుడు పోగొట్టుకున్న జీవితము అను దైవానుగ్రహమును ఒసగుటకు మానవుని స్వభావమును ధరించడానికి నిర్ణయించుకున్నాడు.
ప్రార్ధన: ఓ దైవ సుతుడా! మానవుని చేత ప్రేమింపబడుటకు, మానవరూపమును దాల్చియున్నావు. కాని, ఆ ప్రేమ ఎక్కడ? మా ఆత్మలను రక్షించుటకు, నీ రక్తమును చిందించియున్నావు. అయినప్పటికిని, మేము మిమ్ములను పరిపూర్ణముగా ప్రేమించలేక పోతున్నాము. ప్రభువా! అందరికన్న ఎక్కువగా, నేను మిమ్ములను నొప్పించియున్నాను. నా పాపములను క్షమించండి. నేను మిమ్ములను ప్రేమిస్తున్నాను. నీ ప్రేమను నాకు ఒసగండి.
ఓ మరియమ్మా, దేవుని మాత, నా తల్లి, నా కొరకు మీ కుమారున్ని ప్రార్ధించండి. తద్వారా, మీ దివ్యకుమారున్ని, ఎల్లప్పుడూ, నా మరణాంతము వరకు ప్రేమించే అనుగ్రహమును పొందుదునుగాక! ఆమెన్.
No comments:
Post a Comment